شاركت المطربة السورية أصالة نصري مقطع فيديو لحفيدتها، عبر حسابها على "إنستغرام"، ووجهت لها رسالة عفوية ومؤثرة بمناسبة عيد ميلادها الأول.

أصالة نصري تشارك فيديو عفوي لحفيدتها

أصالة لحفيدتها: أنا رح ربّي لك ولادك
تظهر جيهان حفيدة أصالة في مقطع الفيديو، إلى جانب والدتها شام، التي كانت تغني لها بمناسبة عيد ميلادها. وعلقت أصالة على الفيديو الذي نشرته، قائلة: بعتذر من شامي لأني حبيت عايد بڤيديو خاص بعتتلي ياه اليوم وكتير حبيت شاركه معكم قد ما فيه بساطة وطيابة وطفولة ودفا وأمان، بنتي الصغيرة الهدية من الله كبيرة ( جيهان أحمد هلال) جيجي الّلي بنتجمع كلنا ع الأرض لمّا تكون عم تحبي أو عم بتحاول تحكي وشكلا بتعرف تغني وبتروق على الموسيقى وبتسلطن.

وأضافت: صار اليوم عمر جيجي سنة، كل سنة وحبيبتي وكلّ أطفال العالم بخير وبسلام، وبأوطان حلوة وبتحن عليهم ويا رب! جيجي وكلّ أطفال العالم يعمّروا بالفرح بيوت وما يشوفوا شي للأسف نحنا شفناه ويشهدوا العدل ويعيشوا بأمان.

وختمت المطربة السورية رسالتها بالقول: بعيد بنتي الصغيرة جيجي برجع وبقول الله يحفظ النِعَمّ واللي منهم أنتي يا روحي صار اليوم سنة.. بوعدك رح أصغر لك ورح أقوى لك وبعرسك أنا رح زفّك وأنا رح ربّي لك ولادك أنتي النّعمه اللي بترجّى ربّي يحفظها ويحفظ كلّ أطفال العالم قولوا آمين.