تصدرت الفنانة هنا الزاهد من جديد، تريند محركات البحث، بعد الأزمات الأخيرة التي طالتها، ومنها طلاقها من احمد فهمي، ثم اتهامه لها بانها عملت سحر اسود له ولاسرته، واخيراً ادعاء سيدة بأن أسرة هنا الزاهد استأجرت منها فيلا لمدة 3 سنوات لكن المدة انتهت وهنا وأسرتها لا يدفعون الايجار المستحق، بالإضافة إلى رفض دفع قيمة التلفيات، ويرفضون مغادرة الفيلا!

سيدة تستغيث من هنا الزاهد ووالدتها

بسبب تلك الأزمة عادت من جديد مشكلات «هنا الزاهد» التي طالتها مؤخرًا، عادت للساحة مجددًا، وفيما يلي نستعرض معكم أبرزها خلال السطور التالية:

طلاقها من أحمد فهمي
الطلاق كان أولى أزمات هنا الزاهد مؤخرًا، كما تصدرت بحديثها عن أحمد فهمي وتجربة الزواج منه تريند جوجل ومواقع التواصل، حيث قالت وقتها أنها لم تكن تتخيل أبدًا حدوث ذلك، بل كان أحلامها أسرة مستقرة.

وقالت «هنا» وقتها في برنامج صاحبة السعادة: «أنا عمري ما كنت أتخيل إن فيه حاجة اسمها طلاق، بالنسبة إني أخوض التجربة الكبيرة دي، ربنا عارف إني مقدرش أتحملها فجبهالي بتمهيد في 8 شهور، لو كان حصل مرة واحدة كنت هتعب أوي، لما حصل الطلاق قولت عادي واتعلمت كتير، ولو رجع بيا الزمن هخوض التجربة، لأني مش هتعلم إلا لما يتقرص ودني، أنا بحب الأطفال جدا بس الواقع عكس كده خالص عكس ما كنت بحلم وكنت أتمنى تكوين أسرة».

السحر الأسود
الأزمة الثانية عندما أثار الفنان أحمد فهمي الجدل، بحديثه عن السحر الأسود، حيث ربط الجمهور حديثه بهنا الزاهد، خاصة أنه كتب عن هذا الأمر بعد ظهورها في صاحبة السعادة وحديثها عن الطلاق، ما جعل اسم الفنانة يتصدر حديث الجمهور وأثار الأمر الجدل وتبادلت الآراء بين المتابعين.

وكتب فهمي وقتها عبر ستوري: «ربنا يحفظكوا ليا ولبعض ويبعد عننا شر الأعمال.. السحر الأسود، والسحرة، والفجر عند الخصومة، ويديم علينا نعمة قرب أولاد الأصول دائماً».

أزمة منزل هنا الزاهد
وتداول في الساعات الماضية، مقطع فيديو لسيدة قالت إن أسرة هنا الزاهد استأجرت منزلها بغرض الإقامة به لمدة ثلاث سنوات.

وقالت السيدة خلال الفيديو: «انا ست حطت شقى عمرها في مشروع كومباوند، وفي يوم جاتلي مكالمة من السيدة شيرين المنزلاوي والدة الفنانة هنا الزاهد، قالت إنها عاوزة تأجر المكان، وزوجي رد عليها بأنه يرفض الإيجار لأنه مش ضامن سفره هيخلص امتى وهيكون محتاج البيت، وخلصنا الموضوع، كنا رافضين استئجار المكان لكن جتلنا مكالمة من الفنان الراحل طلعت زكريا، وتوسط لهما على مسئوليته الشخصية».

وأضافت: «ووافقنا وكانوا عاوزين يأجروا 5 سنين، وطلعت زكريا قال وقت ما ترجعوا البيت هيكون في الحفظ والصون، فإحنا كأسرة اقتنعنا بكلامه وقلناله نأجر 3 سنين فقط، وشيرين مضت العقد بـ 3 سنين وابتدوا يدفعوا الإيجار وساعات كانوا بيأخروا دفع الإيجار بسبب ظروف الشغل».

وتابعت: «لما كلمناهم إنهم يرجعولنا البيت لما رجعنا مصر، رفضوا وإحنا بنقولهم دا بيتنا ومضطرين نرجع البيت، وإحنا مأجرين أغلى من اللي بتدفعوه وشيرين ردت عليا، وقالت ألفاظ بشعة، وقالت إحنا مش خارجين وأعلى ما في خيلكم اركبوه».

وأكملت: «أخو شيرين المنزلاوي كلّمنا يساومنا إننا ندّيهم فلوس عشان يخرجوا من البيت، والقضايا شغّالة والقضاء نصفنا، لكن انا مش عارفين نوصلهم، وحاولنا التواصل معاهم من خلال المخرجة منى الأبحر، إنهم يدفعوا اللي عليهم معرفتش توصل معاهم لأي نتيجة، وشيرين المنزلاوي أهانت جوزي وإدت السماعة لهنا قالت له أنت موّتت أبونا، وجاي تموت أمنا وأنا مش عارفة هي إزاي تقول كده، وهي عارفة إن عليهم فلوس ومخالفات». وأضافت: «ومستغربة لما شفت لقاء تلفزيوني لهنا الزاهد شكّيت في نفسي وقولت بيروحوا يناموا على المخدة إزاي وعندهم كام وش، وإحنا مصمّمين على حقنا وفيه محضر بيلزمها بإصلاح التلفيات، ومش عارفة هما إزاي ورا الكاميرا ناس تانية كده».