أثار مغني المهرجانات عمر كمال مغني "بنت الجيران"، موجة من الجدل الواسع بعد تصريحاته النارية فى أحد البرامج التلفزيونية، التى أكد فيها بأن "الزواج العرفى أمر إيجابي وهو لا يرغب فى الأولاد لانه غير فاضي لتربيتهم!". وأضاف أن انجاب أولاد سيعيق الانفصال بينه وبين زوجته المستقبلية وهو متأكد بانه سينفصل لهذا لا يريد الإنجاب! وقال أيضا بأنه يريد زوجة غير عاملة تجلس في البيت تنتظره وتحبه!

عمر كمال: روحت لدكتور نفسي بسبب كده

‏حظي وحش في الارتباط:
وأضاف عمر كمال قائلا:"حظى وحش فى الارتباط، أمى عمرها ماعرضت عليا عروسة وانا حبيت مرتين ومنجحتش وكل القصص انتهت عادي والزواج العرفي كويس و العلاقات على النت كتيرة ولا".

عمر كمال: اتعالجت نفسيًا بسبب علاقتي بندى الكامل
واضاف: كل فترة أنا لازم أزور الطبيب النفسي علشان أفضي اللي جوايا، في السنة اللي فاتت ماكنتش كويس ولا كنت في أحسن حالاتي ولكن السنة دي أفضل

وأضاف عمر كمال: "كانت فترة ماكنتش فيها متزن نفسيا لما ارتبطت مع ندى الكامل طليقة أحمد الفيشاوي وكنت بحبها. ولما انا قلت الكلام ده هيّا سمعت طبعا اللي بيتقال وكان عندها رد فعل غاضب.

عمر كمال: أول ما نزلت القاهرة مكنش معايا الا 10 جنيه واشتغلت كاشير

أريد زوجه كل شغلتها تحبني!
وأعلن مغني المهرجانات عمر كمال عن رغبته بالزواج من امرأة تكون شغلتها الوحيدة بالحياة هي حبه،! مشددًا أنه لا يريد ان تعمل زوجة خارج البيت. وقال: "لو هتجوز هبقى عايز اختار واحدة شغلتها في الحياة انها تحبني ومش عايز الست العاملة، عايزها تكون متفرغة ليا".

رفض فكرة الإنجاب: مش فاضي!
وأكد عمر كمال بأنه لا يرغب بإنجاب اطفال بسبب المسؤوليات الكبيرة التي تتطلبها التربية، وقال: "أنا عايز أتجوز لكن ميكونش عندي عيال، لان الخلفة مسئولية تقيلة و وجع قلب و مش هاعرف أربي".

وأضاف قائلا: "مش فاضي أربي ولا هعرف أربي واكون أب حنين أوي ابوّظ الولد ومش هاعرف اخد معاه موقف علشان كده لو اتجوزت أنا مش عايز أخلف".

أريد سهولة الانفصال:
وأشار عمر كمال إلى أنه يفضل ان لا ينجب الأطفال حتى يسهل عليهما الانفصال إذا لزم الأمر، وبرّر ذلك بطبيعته المزاجية وبعدم استقرار حالته النفسية.

وأوضح كمال: "أنا مش عايز اني أخلف عيال عشان لو حبيت أنفصل هيبقى الانفصال بسهولة، وفي دماغي إن ماحدش ممكن يكمل معايا للاخر علشان أنا شخص مزاجي و كل يوم بصحى بحال و ممكن ان أغنية أكون منزلها متنجحش فهيبقى مزاجي زي الزفت و اتضايق و ممكن أكسر وأزعق وفعلا كسرت قبل كده و زعقت و فيه حد اتأذي وانا بضطر اني أعتذر وأشتري حاجة ذهب".

تعبت حتى نجحت وظهوري الآن بالسيارات الفارغة عادي:
‏دفع عمر كمال عن تباهيه بالسيارات الفاخرة وقال: "ظهوري بأحدث السيارات الفارهة وبأرقام سيارات مميزة في الفترة الأخيرة هو شيء عادي".

واضاف: "تعبت جدا أكثر من ٣٠ سنة وكنت أنتظر دوري،لغاية ما نجحت بعد ثلاثين سنة!". وتابع عمر كمال قائلا : "كنت أركب الأتوبيس ورجلي على الأرض والتانية في الهواء، وكنت لما أركب الميكروباص رابع وراء، وانا ما وصلتش للي وصلتي له بسهولة وتعبت كتير".