تصدر هجوم المخرج المصري عادل عوض على الفنانة المعتزلة المصرية حنان ترك، بسبب قرار اعتزالها التمثيل، التريند بعد ان حمّلها المسئولية في ضياع المجهود الذي بذل في تحويلها إلى نجمة وأيقونة، على غرار سعاد حسني وفاتن حمامة.

وقال عادل عوض خلال حواره مع الإعلامية سارة نخلة: "زعلت من اعتزال حنان ترك، إحنا بنصنع نجمة، أنا بصنع حتة وبيستلمها مني مخرج آخر ومنتج آخر ومصور، ومذيعات بيستضيفوها، إحنا بنصنع نجم أيقونة زي سعاد حسني وفاتن حمامة، ولما يجي النجم في لحظة يقول مش عايز!! تعرفي كام عامل وفني كاميرا ومهندس ديكور مش هياكل علشان هي قررت متشتغلش؟".

المخرج عادل عوض: "أنا ضد اعتزال حنان ترك، وقطعت عيش ناس كتير بسبب اعتزالها"

وردا على سؤال كيف كان يرى حنان ترك في بدايتها، قال عادل عوض: "كانت مهووسة بالشغل وباليرينا شاطرة جدا وشيطان رقص وحاجة نارية خطيرة جدا". وتابع: "اللي بيعتزل بيخلي كتير ناس تفقد وظائفها، وإحنا بنعمل الفيلم على اسم النجم بعد ما نصنعه، والفيلم بيفتح بيوت آلاف، لما تقولي لأ متعرفيش خربتي كام بيت".