وتابعت فيفي عبده، خلال حوار ببرنامج "حبر سري"، مع الإعلامية أسما إبراهيم: "الست إذا واجهت الراجل بخيانته أكبر غلط لها في الحياة، الحياة دلوقتي صعبة ونسبة الطلاق عالية جدا وهي حقها تفتش وراه، وحقه يخلي باله من مراته، ولكن الست لازم تفهم، ولو عرفت أنه بيخونها تطنش".

توافقي حفيدتك تحترف الرقص؟

وأكملت: "الراجل لو بيحب مراته يبيع أي حاجة في الدنيا عشانها، لكن هي لازم تستحمل وتعدي، وكان في ناس تحاول تشككني في جوزي ولكن مكنتش بدي فرصة لكده".

هي الكبيرة ماتتجوزش؟

تصريحات فيفي عبده المثيرة للجدل:

ومن أبرز ما صرّحت به فيفي عبده في البرنامج:

- "كل يوم بيجيلي عرسان والكومنتات كلها طلبات زواج، لكن أنا ست متجوزة ولو أنا وحيدة أتجوز".

- "اللي بينتقدوا الزواج في السنّ الكبيرة... هي الكبيرة متتجوزش؟ وليه الكبيرة متتجوزش؟ والناس المفروض متنتقدش، وفيه ناس بتبقى محتاجة ونس في البيت".

- "لو حفيدتي طلبت ترقص هرفض، وأيامي كان الرقص حاجة تانية وكان فيه احترام، ومش ممكن أسمح لها بده وهي اتعلّمت، وأنا اتبهدلت في الشغل عشان أوصل لمكانتي حالياً، والرقص الشرقي كان زمان له جمهور وقيمة عن دلوقتي، وأنا برقص في البيت".

- "وفاة اتنين من إخواتي في سنة واحدة خنجر دخل في قلبي، ومكنتش عايزة أشوف حد ولا أتكلم مع حد، وكنت شغّالة على مهدئات ونفسيتي كانت وحشة".

- "أنا أضعف إنسانة في الدنيا، والقوة اللي بظهر فيها باخذها من حب الجمهور وبيعطوني الطاقة لأقف على رجلَيّ".

- "لما بيحصل كده من فقدان أهل بهرب، وبفضل نايمة ومش عايزة حد يفكّرني ولا يقولي البقاء لله، ولا عايزه أواجه حد والألم بيكون فظيع".

- "أنا مقدرش أكون زوجة تانية، وحتى لو هو متجوز المهم إني معرفش الأولى ولا أشوفها، ولو حد اتقدملي ومقاليش إنه متجوز هحترم ده وهعمل نفسي مش عارفة، وهو ميقدرش يقولي إنه متجوز، أصل الرجالة اللي بتدوّر عليا مش أنا اللي بدوّر عليهم، كل اللي عايزة أعرفه إنك الراجل بتاعي حبيبي، وماليش دعوة بأي حاجة تانية".

- "أنا معترفة بالجواز العُرفي وأكيد مش هخلّي راجل يلمسني من غير جواز، وأنا بعتبر الجواز العُرفي فترة خطوبة، وبعدين أكتب الكتاب رسمي لما أعرفه".

- "بتجوّز وأنا مش عارفاهم، والحمد لله جوازاتي كلها محترمة".

- "كنت في مشهد في فيلم "امرأة واحدة لا تكفي"، والمفروض إن بيت أخويا وقع وبينزّلوني من البيت وهما بيشيلوني بالسلّم لاقيت واحد شايلني بيحسّس عليّ وهو نازل وإيده على ضهري، نزلت عليه ضرب بالأقلام".