ردت الفنانة علا غانم على الأخبار التي انتشرت عن وجود خلافات بينها وبين بطلات فيلم "أولاد حريم كريم" مؤكدة أن الكواليس بينهن كانت رائعة ولم يحدث بها أي مشكلة.

وعن فيلم اولاد حريم كريم قالت علا غانم خلال لقاء في برنامج "الراديو بيضحك" من تقديم فاطمة مصطفى: "الدنيا كانت هادية في الكواليس خصوصا أننا بنعرف بعض من سنين، في كيميا ما بينا وبنسترجع ذكريات 18 سنة وقد إيه كان في فرق في تفكيرنا، وإحنا كبرنا 18 سنة ودا مخلينا نتخطى حاجات صغيرة كان ممكن توقفنا، عندنا استيعاب للأمور أكتر".

علا غانم: "خوفت من رجوع فيلم حريم كريم بعد 18 سنة لهذا السبب"

وكشفت علا غانم دور الفنانة بسمة في إنهاء أي خلاف وقالت: "هي مش حمامة سلام في الفيلم هي كانت حمامة سلام في جروب الواتساب، كنا ساعات نختلف في الآراء بعد انتهاء الفيلم هي هادية وطول الوقت بتهدينا، ياريت لو في كتير من بسمة في مصر الدنيا هتتغير".

وعن فكرة وجود الفنانة بشرى في الفيلم كمنتجة وممثلة وإن تسبب هذا في أي شيء بينهن قالت علا غانم: "أنا بنسى أن بشرى منتجة، بشرى زميلة قبل ما تكون تبع الإنتاج، هي شخصية طول الوقت بتضحك وبتغني".

علا غانم: "بسمة كانت بتهدي الخلافات اللي بينا في كواليس فيلم أولاد حريم كريم"

‏مستعدا للقيام بدور أم بشرط!!

قالت علا غانم: بيفرق معايا أعمل دور أم لـ ممثلين كبار، وزمان جدًا جالي دور أكون أم لبنت وللأسف معملتش الدور لأنها كانت كبيرة جدًا وأنا قصيرة وقليلة، قولتلهم مش هعرف اخدها على حجري يا جماعة. وأضافت:" أنا معنديش أي تحفظات على إني أعمل أم، لكن عايزة أعمل أم قد بناتي".

افتقد طلعت زكريا:

واضافت علا غانم: أنا مفتقدة طلعت زكريا جدًا وعمر ما حد هيملى فراغه وده حال كل فنان، عمر ما حد بيرحل عن عالمنا حد بيعوض مكانه، كل واحد له الطابع بتاعه.

الأزمة مع طليقها:

وكشفت الفنانة علا غانم تطورات أزمتها مع طليقها رجل الأعمال عبد العزيز حسن، مؤكدة أنها اتخذت أولى خطواتها في استعادة منزلها. وقالت علا غانم: "أنا كممثلة حساسة جدًا فيما يخص السوشيال ميديا، وحريصة أن الجمهور ميشوفش مني غير كل حاجة حلوة أوي، ومبحبش أوصل للجمهور مشاكل لأن كل واحد عنده مشاكله، فبحب لما أطلع لجمهوري يكون في أخبار سعيدة".

وأضافت علا غانم: "باختصار كل اللي أقدر أقوله إني بمر بمرحلة مش حلوة أبدًا، ومحاطة بـ أكاذيب وفيلم غريب وكل المشاكل اللي عندي دخلت للقضاء وواخدة خطوات في سكة سليمة، وثقتي في القضاء وفي نزاهة قضاء بلدي ثقة عمياء، ولكن الوقت طويل شوية بس الحمد لله خدت من حوالي أسبوع أولى خطواتي في استرداد بيتي".

وأضافت علا غانم: "كل حاجة سُلبِت مني بشكل مجرم هترجعلي ومفيش حد مش هيتحاسب على حاجة غلط عملها، وأنا مقدرش أعرف حاجة اسمها انهيار وفشل ويأس، دي كلمات بتخليني أقول لنفسي لازم تقفي حتى لو هقع بعدين، بس كل حاجة لازم ترجعلي زي ما كانت وربنا مابيرضاش بالظلم".

أشفق على الجيل الجديد:

كما تطرقت علا غانم في حديثها إلى الحديث عن نقد الجمهور، قائلة: "أنا بشفق على الجيل الجديد لأن الجحود اللي متفشي في نفسيتنا للآخر بيأثر فينا إحنا كنجوم، ما بالك اللي لسة بيحاول يقف ومحتاج دعم من النجوم والناس علشان يبقى عنده ثقة في نفسه، حتى الولد اللي عمل دور ابني في فيلم أولاد حريم كريم، علشان لسة جديد كان مُهمل شوية في اللوكيشن، مش مهتمين بيه وبيجوا عليه في حاجات أنا بقيت أعدل ده ومش عايزه حد يأذيه نفسيًا". واستكملت: "أنا بفتكر اللي حصل معانا وإحنا صغيرين فبيصعب عليا أشوف حد لسة أول مرة يقف قدام الكاميرا وكلهم ضده طيب جبتوه ليه؟ دي شحنة داخلية بنخرجها يعني؟".

تابعوا جميع المسلسلات عربية وتركية ومدبلجة مجانا في موقع مسلسلات اون لاين هنا: مسلسلات عربية وتركية

تابعوا جميع حلقات مسلسل "كريستال" مجانا وبجودة عالية في موقع مسلسلات اون لاين هنا: كريستال