فاجأت الفنانة المصرية ‏وملكة الجمال السابقة حورية فرغلي، الجمهور بظهورها الأخير الملفت وتألقها في أحدث صورها، بمناسبة احتفالها بعيد ميلادها الـ46، فهي من مواليد 18 أكتوبر/تشرين الأول عام 1977. وبدت حورية بكامل أناقتها وجمالها وملامحها جذابة، مما دفع نشطاء مواقع التواصل الاجتماعي للتساؤل عن سبب هذا التغير الكبير.

وتوالت التعليقات على صور حورية فرغلي، حيث لم يصدق متابعيها أنها تحولت إلى هذا الشكل، رغم شكواها السابقة من تنمر البعض على ملامحها، وقال أحد المتابعين: "مستحيل تكون هى"، وعلق أخر: "الله قادر على كل شىء، فى أى لحظة لازم يكون فيه يقين"، بينما كتب ثالث: "ده أكيد ذكاء اصطناعى".

وتفضل حورية فرغلي، ارتداء الملابس الكاجوال والفساتين الأنيقة التي تكشف جمالها وأناقتها. ومن الناحية الجمالية تعتمد حورية فرغلي، في المكياج على الالوان الناعمة التي تبرز جمال عيونها مع اختيار أحمر للشفاه باللون البينك الناعم الذي يبرز جمال انوثتها. وتفضل حورية فرغلي، اللون الأسود لشعرها الأسود الطويل لتتناسب مع ظهورها المميز واللافت.

حورية ترد على ريم طارق

ردت الفنانة حورية فرغلي على ريم طارق طليقة المطرب الشعبي حسن شاكوش، بعد اتهامها بأنها على علاقة به، ما آثار غضب الفنانة بشدة لترد على تلك الاتهامات وتكذبها. ونشرت حورية فرغلي، مقطع فيديو، وظهرت خلاله قائلة: "الحقيقة أنا طالعة أكلمكم في موضوع وهو بقاله فترة مضايقني وساكتة، بس أنا قررت لما يحصلي حاجة أشارككم وأشهدكم عشان لو غلطانة إنتم ممكن تقولولي".

رد حورية فرغلي علي ريم طارق طليقة حسن شاكوش

حورية فرغلي: أنا أكبر من كده!

وأضافت: "كنت ساكتة فترة طويلة ومبرودش علشان أنا أكبر بكتير من كده، بس في الحقيقة الموضوع زاد عن حده، وبطريقة لدرجة إن أنا مش من طبيعتي أن أطلع وأتكلم أو أرد، بس من كتر ما الموضوع بقى اوفر مش قادرة، وانا عايزة أشهدكم معايا على اللى بيحصل ده، حتى مش حابة أقول الاسم بس هضطر أقوله عشان كرامتي وحقي المعنوي وخصوصا إن محبش إن أهلي كل شوية يسمعوا كلام من اللي هي بتقوله ده".

وتابعت: "الأستاذة ريم طارق طليقة الفنان حسن شاكوش اللي أنا معرفهاش خالص ولا عمري شوفتها إلا في السوشيال ميديا في فرحها وبرنامجها مع بسمة، اتقال اسم حورية وتالت حرف ر الناس سابت كل الأسامي ومسكت في حورية. ريم سكت ومتكلمتش خالص إنما يجيلك الجرأة إنك تنزلي أن الفنانة حورية فرغلي تكشف عن اسم الفتاة اللي كانت مع شاكوش لغاية هنا بقا وأستوب، انتي عايزة تريند عايزة تجيبي اسم حورية فرغلي عشان تطلعي تريند، أنا أعرف منين البنت اللي كانت مع حسن شاكوش، وعلى فكرة أنا ممكن أرفع عليكي قضية تشهير، أنا مصورة الخبر وبعتوا لريهام سعيد وعندها".

حورية فرغلي غاضبة من طليقة شاكوش

واستكملت حورية حديثها، قائلة: "تطلعي تقولي أنا مش هعتذر لحورية فرغلي، حبيبتي أنا مطلبتش منك تعتذريلي يعني تعتذرلي على أي سوري يعني تعتذريلي على الفيلم الهندي اللي إنتي عملاه هو أنا أعرفك يا بنتي أنا أكبر من كدا بكتير هو بس مش واصلك، وإنك تغلطي فيا وأنا مليش ذنب ولا علاقة بالموضوع، نا إنسانة بحب الهدوء أنا عايشة لوحدي عشان مبحبش الدوشة عمري ما بغلط في حد أنا بحترم الناس كلها".

حورية فرغلي تهدد ريم طارق: "لو جيبتي في سيرتي تاني هشتكيكي"!

واختتمت حورية فرغلي، حديثها: "طالعة برد عليكي وبشهد الجمهور كله على اللي أنا بقوله دا عشان الناس تقولي لو أنا غلط في حاجه بس أنا معملتش حاجة، وانا بحترم الصغير قبل الكبير بحترم نفسي وبحترم كل الناس أنا اتربيت على كده، اتربيت في بيت عيلة وعيلة كبيرة ومعروفة واتعلمت يعني إيه أخلاق وأصول وقيم.

وتابعت: مش هقولك غير ربنا يهديكي يا بنتي لنفسك وتبطلي تجيبي في سيرتي لأن بجد المرة الجاية لو جيبتي في سيرتي أنا هشتكيكي بالتشهير وصدقيني مش هتستحملي ومش هتتخيلي هيحصل فيكي إيه، اسم حورية فرغلي، متقولهوش عشان تطلعي ترند مسمحلكيش تقولي اسمي مرة تانية أنا بمنتهى الأدب بقولك لو سمحتي اسمي متقولهوش تاني لأن بمنتهى الأسف وأنا آسفة على اللي هيحصل لأن دا حقي ربنا يهديكي يا بنتي".

تابعوا جميع المسلسلات عربية وتركية ومدبلجة مجانا في موقع مسلسلات اون لاين هنا: مسلسلات عربية وتركية

تابعوا جميع حلقات مسلسل "كريستال" مجانا وبجودة عالية في موقع مسلسلات اون لاين هنا: كريستال