في أول تعليق للفنان أحمد سعد حول طلاقه، أشار في تصريح مقتضب على هامش فعاليات تكريمه في "موريكس دور"، أنه يرى نفسه حرًا بزواج أو بدون، حيث سُئل إن كان يشعر بالحرية بعد الانفصال أم لأ؟. ورد "سعد": "قصدك الحرية بدون جواز.. أنا أصلا كده كده حر".

أحمد سعد يعلق على طلاقه من علياء بسيوني لأول مرة: "أنا حر دايما!"

وكان أحمد سعد، نشر عبر حسابه الرسمي بموقعه التواصل الاجتماعي "فيس بوك"، فيديو كوميدي وقال فيه: "حابب أتكلم عن نفسي شوية عشان نسيت آخد الدواء بتاع النرجسية. أنا مبسوط مني أوي الفترة اللي فاتت عاجبني أوي". وتابع: "وأنا من أكتر الناس اللي بتسمعني وبحبني جدً جدًا. بجد السنة اللي فاتت نزلت أغنية عليكي عيون، ونزلت أغنية وسع وسع، وبعدها نزلت إيه اليوم الحلو، وبعدها نزلت أغنية اختياراتي. الحمد لله، ومبسوط أوي إن الناس في لبنان بتحبني". وعلق سعد على الفيديو بشكل كوميدي، قائلًا: "أنا وأنا بحبني".

زوجة أحمد سعد علياء بسيوني تعلن انفصالهم: "أصله غير طيب"

يذكر أن علياء بسيوني طليقة أحمد سعد، أعلنت في 31 أغسطس/آب انفصالها عن أحمد سعد عبر خاصية ستوري على "إنستجرام". وقالت: "الحمد لله على كل شيء. تم الطلاق بيني وبين أحمد من شوية بناءً على رغبته. حابة أشكر أحمد جدًا على أصله الغير طيب ومعدنه السئ. وحابه أقوله شكرًا على قرارك اللحظي الغير موفق في خراب بيتنا وتدمير أسرتنا الجميلة اللي أنا حقيقي تعبت فيها لوحدي تمامًا. وحاولت وعديت بمواقف مفيش حد في مكاني يقبلها عشان الأسرة دي. وعشان المشوار اللي أنا ابتديته ومكنتش حابه إنه ينتهي".

وأضافت: "شكرًا على توقيتك الجميل وأنا قاعدة ببنتي 3 أيام. وأنت مش عارف حاجة عشان مشغول في الساحل وخروجات وبعدها شغلك". واختتمت "أكبر شكر على المقلب اللي أنا أخدته في العلاقة دي واللي كنت فاهمه إن ليها قيمة ببني وبضحي وبتنازل عشانها. وانت طلعتها ولا تسوى. وربنا معايا أنا وبناتي في اللي جاي وينتقم منك ويديلك على قد كل حاجة حصلت".

تابعوا مسلسلات رمضان 2023 مجانا في موقع مسلسلات اون لاين هنا: مسلسلات رمضان 2023

وأيضا أكثر المسلسلات مشاهدة: أكثر 10 مسلسلات رمضان 2023 مشاهدة على موقع مسلسلات اون لاين