قامت نانسي محمد مختار ابنة الفنانة رانيا يوسف، بانتقاد تصرفات والدها المنتج الشهير محمد مختار تجاهها، وتحدثت أيضاً عن اختياراتها ووالدتها للملابس، وأشارت بأنها لا تهتم برأي الجمهور بخصوص هذا الأمر.

وأكدت ابنة الفنانة، خلال تصريحات تليفزيونية: "مش متضايقة خالص، وده علشان شكلي حلو والفستان اللي لبسته من والدتي على الريد كاربت شكله حلو أوي، وأنا مش متعودة أشغل دماغي بالتعليقات السلبية والإنتقادات". وواصلت نانسي: "رانيا يوسف أطيب وأحن إنسانة موجودة في حياتي، وأنا مش بقول كده عشان هي والدتي، ولكن علشان هى صاحبتي ومامتي وأختي وكل حاجة في حياتي، وأنا موجودة معاها في الحياة من 20 سنة كل يوم".

نانسي ابنة رانيا يوسف: "لا أريد شيئا من والدي محمد مختار"

وأضافت: "وعلى فكرة أنا مش محتاجة محمد مختار في حاجة، ومش عاوزه منه أي شئ.. حتى ولو مهرجان أو فيلم أو أي حاجة نهائي، وأنا كـ نانسي مش محتاجة منه أي حاجة خالص". وتحدثت خلال اللقاء، عن إمكانية عملها بالتمثيل: "ممكن أشتغل بالفن لو الورق حلو، ولو القصة عجبتني أكيد هشارك ومش هرفض، ولكني أنا مشروع مصممة أزياء أكبر".

ومن جانبها، فقد قامت الفنانة رانيا يوسف بالتعبير عن رأيها في اختيار ابنتها لملابسها، معلقة: "مفيش حد له عندها حاجة.. تعمل اللي هى عاوزاه، والشخص اللي مش عاجبه ميتبعناش، وده علشان الدنيا أبسط من كده بكتير ومش موجود فيها عقد، وبنتي تلبس اللي هى عاوزاه وتعمل اللي هى عاوزاه، وعلى فكرة بناتي هما اللي بيختاروا ليا ملابسي".

تابعوا مسلسلات رمضان 2023 مجانا في موقع مسلسلات اون لاين هنا: مسلسلات رمضان 2023

وأيضا أكثر المسلسلات مشاهدة: أكثر 10 مسلسلات رمضان 2023 مشاهدة على موقع مسلسلات اون لاين