كشف الفنان محمد رياض، عن شرط الفنان الراحل محمود ياسين، للموافقة علي زواجه من ابنته رانيا، لافتا: "اتعرفت علي مراتي لما كنا بنعرض مع بعض مسرحية في الإسكندرية وقتها جمعتنا قصة حب".
تعامل محمود ياسين
وتابع خلال لقائه ببرنامج "الستات" الذي تقدمه مفيدة شيحة وسهير جودة: "لما روحت اتقدم لمحمود ياسين كان له هيبة ومكنتش عارف انطق خالص، بس هو أب ومكلمنيش في أي حاجة لا مهر ولا شبكة ولم يثقل على في شيء لأنه كان عارف إني لسه في بداية حياتي، بس طبعا سأل على كويس من الوسط الفني".
محمد رياض يكشف عن شرط محمود ياسين ليتزوج ابنته وسبب رفضه الشرط!
شرط محمود ياسين لزواجي من ابنته:
وأضاف: "محمود ياسين كان عايزني لما اتجوز رانيا اقعد معاهم في أحد أدوار الفيلا فأنا رفضت لأني كنت عايز يبقى ليا بيتي الخاص". وأضاف: "كنت عايز أنا اللي أعمل بيتي، محبتش حد يعملي بيتي، رانيا كانت موافقة على وجهة نظري، بس سكنا جنب بيتهم بشارع واحد". وأكد "رياض" أن محمود ياسين كان بمثابة أب له، متابعًا: "كان أجمل إنسان في الكون، وحماتي ست طيبة جدًا".
شهيرة الفنانة الإنسانة:
وتابع قائلًا: "حماتي الفنانة شهيرة اطيب حد في الدنيا وإحنا أصدقاء ما هي حماتي وبنقعد نتكلم في التليفون بالساعات ولما بزعل رانيا بتبقى علطول في صفي وهما عائلة راقية".
موقع المسلسلات والأفلام وبرامج التلفزيون الرائد في العالم العربي
