فجرت ريم طارق طليقة الفنان المصري حسن شاكوش فضيحة جديدة بعد كشفها عن تعرضها للخيانة من قبله، وهذا كان من أسباب طلبها الطلاق. وخلال حلولها ضيفة على برنامج "90 دقيقة" مع الإعلامية بسمة وهبة، تحدثت ريم عن تفاصيل الخيانة وقالت: "كنا في نهار رمضان، كان في ممثلة مشهورة عندها مشكلة صحية تالت حرف من اسمها "ر" راح أكل معها في شاليه بالعين السخنة، ولما رجع البيت كتبت له وصلت يا حبيبي.. وبينهم علاقة".

طليقة حسن شاكوش تكشف مواقف تسببت في إنهاء عش الزوجية

وتابعت: "قعدت 30 يوم في شهر رمضان أشوف حاجات زي كده ومختلفة وفي وقت من الأوقات الفنانة دي حبت تسمعني صوتها كانوا مع بعض وقعدت تضحك.. حلال عليها". وخلال اللقاء كشفت ريم طارق أنها هي من طلبت الانفصال عن شاكوش بسبب ما عانته منذ اليوم الرابع من الزواج: "أنا اللي قررت أنفصل لأن حصل حاجة واجهته بيها وقال لي هي دي عيشتي وهي دي حياتي، قلت له مفيش بني آدم عنده العيشة دي.

هل حسن شاكوش كان عارف إنك "مطلقة"؟.. إجابة صادمة من ريم طارق طليقة شاكوش

وأضافت: "قلت له أنا آسفة مش هقدر أكمل الموضوع مش خيانة، لكن دي حاجة بتتعمل وأنا مجبرة أشوفه وهو بيعملها، مكنتش هقدر ومش هجازف بنفسي." وتابعت: "لما قلت له لازم ننفصل وهمشي قالي ممكن نتكلم لكني قلت له مضطرة أمشي وهبعت أهلي لو احتجت حاجة هيجبوهالي، وماخدتش أي حاجة إلا ترنج، ولما حاولت أرجع تاني يوم عشان ألم لبسي قال للأمن في الكومباوند محدش يدخلني رغم إن كل حاجتي الشخصية جوه عنده". وأكدت ريم طارق أن حسن شاكوش عرض الصلح عليها من خلال إخوته، لكنها لم توافق.

رد حورية فرغلي:

ردت الفنانة المصرية حورية فرغلي على ريم طارق التي قالت ان حسن شاكوش خانها مع فنانة مشهورة تمر بأزمة صحية وثالث حرف من اسمها "ر"! وبدأ الجمهور في البحث عن تلك الفنانة وشك الكثيرون بأن المقصودة هي حورية فرغلي.

وكشفت حورية حقيقة علاقتها بنجم المهرجانات الشعبية حسن شاكوش، وقالت حورية فرغلي: والله عمري ما شفت حسن شاكوش ولا أعرفه شخصيًا، وأضافت أن تصريحات طليقته أن ثالث حرف من اسم الفنانة راء، مش شرط حورية بس ما في شيرين ؟، أنا أصلًا مبصاحبش أكيد مش هعرف راجل متجوز، وأنا مش كده خالص، ومع احترامي لشاكوش أنا مش بتاعت الكلام ده، آخري صداقة، ولكن أنا عمري ماشفتوش حتى بسمع بنت الجيران اللي هي مش عليها صورته، ولو الموضوع انتشر بالشكل ده هرفع قضية تشهير.