صلاح عبد الله:
بينما علق صلاح عبد الله عبر صفحته على موقع التواصل الاجتماعى فيسبوك: "رجاء للأصدقاء والزملاء اللي بيعرضوا فنهم في المملكة الشقيقة الغالية علينا كلنا…طبعاً الشكر الجزيل واجب وحق لكرم الضيافة والاستضافة والتقدير الواضح للفن المصري رواده ونجومه وكل عناصره لكن انتوا ياحبايبي كمصريين عارفين طبيعة شعبكم وحساسيته فمش مطلوب منكم غير حاجة واحدة بس، خلوا بالكم من كلامكم".

المدافعون عن محمد فؤاد:
بينما ظهر عدد من مؤيدى موقف محمد فؤاد ولعل من أبرزهم الإعلامى عمرو أديب الذى قال : "إن محمد فؤاد لم يقيم حفلة منذ فترة بهذا الزخم، مشيرا إلى أنه تحدث المسئول عن الشركة المسئولة عن الحفل. وأضاف “أديب” خلال برنامجه “الحكاية": "المسئول قال لي مشوفتش حفلة كده في جدة من فترة.. فإحنا بنشوف حفلة في آخر شهر مايو، والحفلة كانت جميلة وكسرت الدنيا». وتابع الإعلامي عمرو أديب: “امبارح محمد فؤاد بيقول الجمهور أنتوا حافظين الكلام ده ازاي، لأنه مندهش أن الأجيال الجديدة حافظة أغانيه، فالناس كانت متفاعلة معاه تفاعل رهيب.. الأغنية الختامية في الحفلة، الجمهور تفاعل معاها تفاعل كبير، فمحمد فؤاد بدأ الحفلة الساعة 2 ونصف، بعد ما أحمد سعد انتهى من وصلته الجميلة بدأ محمد فؤاد، وغنى كامننا وحيران وكل الأغاني الجميلة اللي الناس بتحبها”.

فريدة سيف النصر:
وكتبت فريدة سيف النصر عبر حسابها بموقع التواصل الاجتماعي فيس بوك: "لله حسابات أخرى يا فؤاد يا محترم.. ما كفاية بقى يا جماعة تنمر وتنظير وتصيد أخطاء كفاية نذبح فنانين كبار على كلمة مجاملة اتقالت وهي صح عندهم أخلاق وحسن استقبال وكرم". وأضافت فريدة سيف النصر: "أنا لا بغني ولا بطبل ولا أنفع في العمر المحترم ده أعمل استعراض أو حفلة بأقول الحق ومش معنى أني أشكر في بلد يعني بلدي لأه، عمر دياب أكتر واحد بيجامل بس مش بالميكروفون وهما يتجاملوا بيشغلوا الناس اللي نسيناهم إحنا، لظروفنا مفيش حفلات.. هما السعودية دي مش عرب زينا ولا إحنا لازم نقلب الدنيا على بعضها".

وأوضحت فريدة سيف النصر: "فؤاد محترم واللي في قلبه على لسانه مايستاهلش كده.. ولو كل واحد يلوم نفسه ويعاتبها على تصرف على صورة أو أي قرف مش هيتكلم على غيره.. إنسانيا بقى له كتير ماشتغلش وكان مريض.. مين عارف عملوا معاه إيه.. خلصنا بقى هو لا بنرحم ولا يعجبنا رحمة ربنا بعباده كفاية بهدلة في بعض.. عيب ياحبايبي عيب"

تابعوا مسلسلات رمضان 2023 مجانا في موقع مسلسلات اون لاين هنا: مسلسلات رمضان 2023

وأيضا أكثر المسلسلات مشاهدة: أكثر 10 مسلسلات رمضان 2023 مشاهدة على موقع مسلسلات اون لاين