تعرضت الإعلامية مي حلمي لموجة انتقادات لاذعة من الجمهور عقب ردها المهين على متابِعة بعمر والدتها طلبت منها مساعدة مالية، ‏لتشتري لابنها الطالب الجامعي ملابس مناسبة، .. وردت الإعلامية المصرية بإجابة قاسية جدا وغير متوقعة صدمت جمهورها.

وكان بإمكان الإعلامية مي حلمي، ان ترفض الطلب بلطف وهدوء، لكنها فضحت السيدة التي صارحتها بعدم قدرتها على توفير طقم مناسب لابنها ليرتديه للجامعة مثل أصدقائه، مما عرض مي حلمي لموجة هجوم كبيرة من متابعيها، وكان طلب السيدة كالتالي: "أنا عمري قد مامتك، ونفسي في طلب لابني في الجامعة.. يا ريت يلبس زي أصحابه حلو، فلو ممكن تساعديني ولو بطقم واحد، أنا مش معايا فلوس".

مي حلمي ترفض مساعدة متابعة: "فكرتيني بأيام سودة، بتشحتي ليه ما تخلفوش وتوجعوا دماغنا"

وكان رد مي حلمي: "اللي أنا هقوله مش جحود، لكن كلنا شقيانين بشكل أو بآخر، وبطريقة أو بأخرى، فلما حد يبعت يقولي أنا قد مامتك، ونفسي في طلب لابني في الجامعة انه يلبس زي أصحابه حلو، وهل ممكن تساعديني ولو بطقم"، انا أحب أرد عليها وأقول: "دي رفاهية، والرفاهية عشان نعملها بنتعب جدًا".

وتابعت: "أنا نفسي كنت بشتغل وأنا اتعلم في الجامعة: فليه انتي بتشحتي لابنك عشان يلبس كويس زي اصحابه؟ ما تخليه هو يشتغل ويلبس من فلوسه!! وانا كنت اشتغل وانا في الجامعة، مع إن أهلي ما احتاجوش مني التعاون دا!! ابنك مش أحسن مني، وانا كمان كان عندي كرامة و عزة نفس، وكلامي مش تحامل لكن انتو نسيتو قوانين الدنيا!! انتي عايزاني يعني أصرف على رفاهية ابنك، دا بدل ما تقوليله اشتغل".

وأنهت مي حلمي كلامها: "محدش بيساعد حد، والناس متغربة وشغالة، فمحدش بيساعد حد إلا في حالات قصوى، المرض، والحوادث، يعني الحاجات الكبيرة، انا ابتديت اشتغل وأنا عندي 16 سنة، لكن ليه أصرف على ابنك علشان يلبس؟ انتي مفروض تساعديه عشان يبقي راجل، وانتي مفروض تساعديه انه يبقي راجل مش تشحتيله".

انتقادات شرسة من المهور:

وتعرضت "منى حلمي" لهجوم كبير، من قبل كثيرين، فكتبت إحدى المتابعات: "مي حلمي انتي بجد محتاجه انادكتور.. ونفسي يتطوع عشان يعالجها من النقص الي عندها!! يعني واحدة طلبت مساعدة منك، لو هاتعرفي تساعديها تمام، ولو مش هاتعرفي ما تطلعيش تكسري نفسها.. انتي يا سبحان الله عندك عدم قبول بجد مرعب".

رد مي حلمي على الهجوم:

ولم تهتم مي حلمي بالهجوم عليها وقالت: رأيي ومش هاغيره! اللي مش عاجبه ما يبعتليش!! بتدافعوا عن إية؟ عن راجل مخللي أمه تشحتله؟؟ أنا ساعدت قبل كدة الراجل بتاع الكشري ووفرتلو فرصة عمل لكن تخيلوا رفضها!!، وبعد كدة بقي نجم لكن الناس بتدعي علينا لإن احنا اللي عملنا فيه كدة".

وأضافت مي حلمي: "دلوقتي زعلانين لإني بقول خليه يبقي راجل و يعتمد على نفسه و يشتغل!! أنتوا ضد اي حاجة؟ ضد الطبيعي؟ لأن كل اللي بيدافع عن أم تتسول لإبنها بدل ما يشتغل دا شخص حقود! ولو اطلب منكم انتو دة والله مش هتدفعو ولا حتي ربع جنيه".