قالت المطربة سمية درويش: "أرى أن الوسط الغنائي عبارة عن مافيا، لذلك أتعرض لحروب من أسماء كبيرة علشان صوتي بيشبه صوت شيرين عبد الوهاب، وكل واحد خايف وحاسس أن الكرسي مينفعش يبقى فيه منه تاني مع إننا لازم نكون كتير ومينفعش نحتكر ذوق الناس". وتابعت خلال لقائها ببرنامج "نص الكلام" الذي تقدمه الإعلامية راغدة شلهوب بقناة "النهار": "أتخيل ان فيه حد ممكن يأذيني لدرجة إنه يوقعني علشان أنا شبهه".

شبيهة شيرين عبد الوهاب

وعن تشبيه صوتها بشيرين أضافت: "انا صوتي مش شبه شيرين عبد الوهاب، وقلت لأحد الملحنين أكبر حاجة تبرأني من التهمة دي إني أغني دويتو مع شيرين عبد الوهاب وده عمره ما هيحصل لإنها مش هتوافق تغني معايا". وأكملت: "أنا بحب شيرين عبد الوهاب جدا وبسمعها لأن الناس بتطلب مني أغانيها ولكن احب اعمل دويتو مع ناس تانية غير شيرين".

سمية درويش تفتح النار على شيرين عبد الوهاب: "دي صوتها وحش جدا"

رسائل شيرين عبد الوهاب

وأكدت: "شيرين عبد الوهاب عرفاني كويس بس لو اتسألت هتقول إنها متعرفنيش، ووصلتلي رسايل إني صوتي وحش جدا ومين دي اللى تشبهوني بيها، بس هي علي الهواء هتقول عني واحدة مغمورة مش معروفة".

مشكلة شيرين عبد الوهاب

وتابعت: "كنت بغني في حفلة في مكان وشيرين كانت تاني يوم في نفس المكان والولد اللى بيركن العربية بتاعتي صورها وهي بتقولهم نزلوا صورة البنت دي ياما مش هاجي اغني بكرة، وانا صورتي كانت صغيرة وصورتها هي كبيرة جدا، بس صورتي بتاعت الواتس اب ضايقتها، هي لها الحرية المطلقة تغير وتخاف علي نفسها بس لو بايدك تحب الخير للناس تحبه".

سمية درويش - متغيره

من هي سمية درويش؟

سمية درويش؛ هي مطربة، وممثلة مصرية مواليد القاهرة عام 1989 بدأت مشوارها الفني بأغنية "قلب وراح" ثم اطلقت أول البوم فى سنة 2007 باسم بقيت بتوحشني من شركة "ميلودى" ميوزك قام بغناء العديد من تترات الأعمال الفنية كما شاركت بالتمثيل في فيلم كشف حساب، لكنها أختفت بعد ذلك عن الساحة الفنية لسنوات طويلة وارتدت "الحجاب"، ثم عادت مؤخرًا وشاركت بعدد من الأعمال وطرحت ألبوم غنائي جديد.