كشفت الفنانة فيفي عبده، سر رقصها خلال الفترة الأخيرة على العديد من الأغاني ونشرها عبر حسابها الشخصي بموقع التواصل الاجتماعي لتبادل الصور والفيديوهات القصيرة "انستجرام". وقالت فيفي عبده في بث مباشر عبر حسابها الرسمي: أنا بطلع أرقص على الأغاني الجديدة في فيديوهاتي علشان الناس تعرف إني واقفة على رجليا، الله أكبر عليا، ودايمًا بيطلع شائعات وأنا بقول إني موجودة حتى لو هطلع أتمشى، أنا مش مطلوب مني أهد السد العالي.
وواصلت: أنا جاية الدنيا دي علشان أتدلع، وأنا دايمًا لما بعمل حاجة بعملها بقلبي، ومعشتش طفولتي وهعيشها بالطول والعرض، ونزلت لكم رقصات الفترة اللي فاتت، فيه فيديوهات راضية عنها وفيه مكنتش مستعدة ليها، الولد اللي بيشغل السماعة بيحط أي أغنية وأنا لازم ألحق النهار والشمس. وأضافت: بعمل أي حاجة تليق عليها وده مش أسلوبي في الرقصات، وبرتاح في الكعب العالي، بحس إنه بيطلع الرقصة أحلى، ولما بتفرج على نفسي بقول إزاي أنا موقعتش في الماية.
فيفي عبده ترقص بالجلباب الأسود على أنغام أغنية "سلامي" لكاظم الساهر
معاناة فيفي عبده مع الحسد
من جانبه كانت قد حدثت الفنانة فيفي عبده عن معاناتها مع الحسد طوال فترة مشوارها الفني، مشيرة إلى أنها استخدمت كافة الأشياء لمنع الحسد ولكن لم تجدي نفعًا. وقال فيفي عبده عبر بث مباشر على موقع التواصل الاجتماعي على تطبيق "انستجرام": "طول عمرى بعانى من العين، والحسد مستمر معايا واللون الأزرق مبقاش ينفع معاه". وأضافت فيفى عبده: "تصوروا أحيانا ببقى عايزة أقرأ قرآن فى وش اللى بيكلمنى ألاقى لسانى وقف ومعرفش أقرأ قرآن".
موقع المسلسلات والأفلام وبرامج التلفزيون الرائد في العالم العربي
