قالت المطربة دوللي شاهين إنها تعرضت للخيانة الزوجية أكثر من مرة، لكنها اكتشفت تلك الخيانات دون بذل أي مجهود. وروت دوللي شاهين خلال استضافتها في برنامج "البخت"، كواليس تعرضها للخيانة أول مرة قائلة: "كانت أول جوازة وكنت راجعة من السفر وعاملة مفاجأة لجوزي وأهلي، وأول ما وصلت حصلت حالة رعب في البيت".

وأضافت: "وأنا واقفة عند أوضة النوم برتب حاجتي، سمعت جوزي بيكلمها في التليفون وبيقول لها أنا آسف مش هعرف أقابلك النهاردة مراتي جت، فتجمدت ثواني، عشان كنت صغيرة وعمري ما أتخيل إن في خيانة غير في الأفلام والمسلسلات، لكن خدت قلم غريب".

دوللي شاهين: "تعرضت للخيانة الزوجية مرتين! وجدت متعلقات امرأة أخرى في سريري!"

وتابعت: "ربنا جابلي حقي لغاية عندي، ولقيت صاحبة جوزي بتكلمني وعايزة تقابلني، وقابلتها في بيروت، وقالتلي إن جوزي واخد منها فلوس وهي محتاجة الفلوس وأمها في المستشفى، فعرضت عليها تكون الماكييرة في الكليب الجديد بتاعي. كان كرم أخلاق مني وإديتها أجرها".

وأكملت: "جوزي كان مصور فوتوغرافي في الكليب، ومش عارف إن صاحبته موجودة، وحصل مشهد درامي رهيب، هي انهارت وهو بقى مصدوم، وحلف إنه ميعرفهاش، وأنا قلت خرجوهم برا وكملت يومي عادي". وردا على سؤال عن خيانة زوجها الثاني لها، قالت: "جوزي كان مقيم في مصر، وأنا كنت راجعة من لبنان عشان مدرسة بنتي، ولقيت حاجات نسائية مش بتاعتي على سريري، والموضوع كان خلصان لكن كنت مكملة عشان خاطر بنتي".

يذكر أن دوللي شاهين خاضت مؤخرا تجربة كتابة أغانيها لأول مرة، وذلك من خلال أغنية "ننه هو" التي طرحتها في أغسطس الماضي، وهي من ألحان خالد حمزاوي، ألحان وتوزيع أحمد عبد العزيز.