زار الفنان المصري تامر حسني، مرضى القلب بمستشفى الناس، أمس الخميس، وسط حفاوة كبيرة من الأطفال وأسرهم والعاملين بالمستشفى. وكتب تامر عبر حسابه علي "انستجرام": "النهاردة في يوم القلب العالمي زورت مستشفى الناس بشكل مفاجئ في احتفالهم و حاولت احتفل بطريقتي و اهزر معاهم في سماعات المستشفى بس عرفوا صوتي على طول قبل ما ادخل".

وتابع: "اللي شوفته هناك يخليني فعلاً ادعيلهم و اطلب منكم تدعولهم و اللي يقدر يقدملهم اي شيء من الدعم ياريت ميتأخرش ، بشكرهم على المجهود العظيم اللي عاملينه للاطفال و لكل الناس ، حقيقي انا شوفت مستشفى من اعظم و مستشفيات العالم و فخور ان مصر فيها المستشفى دي".

تامر حسني يغني للمرضى في المستشفى في اليوم العالمي للقلب

وأضاف: "شوفت رحمه كبيره من كل الدكاتره على الاطفال رحمة الأب و الأم من كل العاملين في المستشفى بكل طفل و كل انسان بيتعالج هناك بالمجان ، كل التحية لدكاترتنا الأبطال اللي واهبين حياتهم لاطفالنا و اهالينا. ربنا يشفي كل مريض آمين يااااااارب".